Coro Vos de Mont - Stelutis Alpinis Lyrics

Se tu vens ca su ta’ cretis,
là che lôr mi àn soterât,
al è un splaç plen di stelutis,
dal gno sanc ‘l è stât bagnât.

Par segnâl, une crosute
jè scolpide lì tal cret.
Fra chês stelis nas l’arbute
sot di lôr jo o duar cujet.

Cjol su cjol une stelute
par ricuart dal nestri ben,
tu i darâs ‘ne bussadute
e po platile tal sen.

Cuant che a cjase tu sês sole
e di cûr tu preis par me
il gno spirt ator ti svole:
jo e la stele o sin cun te.