Georg Brodbeck - Kreis im Quadrat Lyrics

Uf üsem Wäg, dä geits grad nid witer
Da si Steine im wäg, u witer obe Schnee
U i weiss doch genau, uf der angere Site, warte si unger am See
Aber uf üsem Wäg geits eifach nid witer

Mir stö da u füele üs elei ir Masse
U vö langsam a die Wäut afa hasse
Jede Stei ufem Wäg isch e Schlag ids Gsicht
Jedi liebi Geste faut nüm ids Gwicht
Ufem Wäg heimer üses Ziu vergässe
Nume Säubstmitleid u Junkfood frässe
U egau was passiert, es isch sowieso schlächt
Ke Kreativität, nume fautsch isch ächt

Uf üsem Wäg geits geng no nid witer
Simer hie ire Sackgass, cha das würklech si?
U mer luege u dänke, blockiere, verschänke u langsam gsehmers i
Wüu üse wäg geit nämlech nid witer

Mir si gfange ir Sackgass, verzwifle scho dra
Aber das womer wei schint haut eifach nid z ga
E Schritt zrüg, aui Charte iz haut ufe Tisch
De wird klar dass der Umwäg haut eifacher isch
Mitem Rügge zum Ziu u em Kreis im Quadrat
Gömer witer, der Plan isch es grosses Plakat
U mir mache nid das womer eigentlech wei
Nume so blibe mir nid für immer elei

U üse Wäg, dä geit wider witer
Haut i di angeri Richtig, wider zrüg
U bim Wägwiser chöimer de aus wider richte, über di angeri Brügg
U üse Wäg geit witer und witer