Hjash Temya - Lu Lauru Lyrics

Chiami tre voti, no voli numinatu
'Spetta, ca shtanotti ti mira t'è pigghiatu
Pi panz'all'aria no nc'ha shtari
Pi di coshti t'ha curcari

Totta la notti ti caca lu cazzu
No ti fiti cu muvi nnu razzu
Cu 'shtu cappieddu, nanu e bruttu
No si' capaci cu lu viti tuttu
Shati suli 'ntra la shtanza
E si ssetta sobbr'alla panza
Ma tiscituni no nni teni
Cu ndi nfoca bueni bueni

Li pieti m'piettu, li mani n'canna
Ma iddu e' tuttu, no ti scanna
'Shtu nanu ti mmerda e' nna carogna
Totta la notti cu tei si nfogna

Lu cappieddu nc'ha llivari
Tra sordi o patani ha scapari
Ha tini' furtuna cu nci lu llievi
Ci no nanz'alli cugghiuni sempri ti lu truevi
Fannu puru li trecci alli cavaddi
E ci li tieni e' troppu tardi
E nna vota ca nci l'ha ssueti
Po' ti morunu nanz'alli pieti

'Shtu gnomu ti mmerda e' bruttu nna coccia
Li muerti ti mammasa a iddu e a ddo si ppoggia
Mo tutta la notti m'è fattu cripari
E soltantu li muerti nci possu jashtimari