Georg Brodbeck - Stadtrat Lyrics

Ufem Chopf steit die Wäut ufem Chopf
Ufem Chopf steit die Wäut ufem Chopf
Es chönnti so schön si we jede würd dänke
Nid au sini Tröim grad a Nagu würd hänke
Möglechst viu Fröid ungerwägs no verschänke
U nüm aues nur uf sech säuber beschränke

Acht milliarde Milliardäre hei nid Platz uf dere Wäut
Aber acht milliarde Mönsche das geit
U vo dene müesst o niemer vegetiere imne Zäut
Oder Angscht ha dases nüm witergeit
Jede Mönsch hätti das woner iz grad brucht
Jede Mönsch chönnti glücklech si
Aber houptsach du weisch was di iz grad schlucht
Dritti Wäut isch nie derbi
Üsi Labensmittu womer produziere si gnue
Für jede Mönsch uf üsem blaue Baloon
Jede hät Platz une Duschi undes Bett mit Rue
Une Stereoalag mit Ton
We jedem Mönsch sis Glück üses Houptziu wär
Chönt die Wäut ganz angers si
Doch di chline Problem si scho so gnue schwär
Z grosse Ganze passt da nüm dri

I hanes Problem, du hesch es Problem
U mir erchläre das iz jedem hie
Är het es Problem, si het es Problem
U jede gseht das sofort i
Bärn het es Problem, Thun het es Problem
U der Stadtrat weiss iz o nid wie
D Wäut het es Problem, jede Mönsch het es Problem
Nur für d Lösig fäut üs d Phantasie

Di Einte hei so viu dass si nüm wüsse was si wei
Für dass s ne ädlech mau besser geit
Si wei geng no me obwou si doch scho lengstens aues hei
Dass das nüt bringt hetne niemer gseit
U di angere luege Tag für Tag
Für chli Ässe unes Bett
U im Hingerchopf steit geng die Frag
Würum der Anger so viu het
När gits no Lüt, die gäbe iri ganzi Läbesenergie
Ine Sach wo der Wäut nüt nützt
Dass si nur Schade produziere das vergässe si gli
Bi däm wärde si ungerstützt
So viu Lüt, so viu Chraft, so viu kreativ, los
Wases brucht isch scho lengschtens da
Die Problem wäre glöst, das wär huere gross
Müessti nur mau e Afang ha

I hanes Problem, du hesch es Problem
U mir erchläre das iz jedem hie
Är het es Problem, si het es Problem
U jede gseht das sofort i
Bärn het es Problem, Thun het es Problem
U der Stadtrat weiss iz o nid wie
D Wäut het es Problem, jede Mönsch het es Problem
Nur für d Lösig fäut üs d Phantasie

Es chönnti so schön si we jede würd dänke
Nid au sini Tröim grad a Nagu würd hänke
Möglechst viu Fröid ungerwägs no verschänke
U nüm aues nur uf sech säuber beschränke
Ufem Chopf steit die Wäut ufem Chopf
Ufem Chopf steit die Wäut ufem Chopf