Vivid Curls - Du entgleitesch meiner Hand Lyrics

I siahs sofort in deim Blick
I weiß du find´sch koin Moment mehr Frieda oder Glick
I will di umarma, doch dei Körper straibt sich gega mi
Hob Angscht vor deiner Welt, no mehr Angscht hob i um di

Du entgleitesch meiner Hand
I wir verruckt und schrei, doch breiter wird jeden Dag dia Wand
Du entgleitesch meiner Hand
Du entgleitesch meiner Hand

Vielleicht hob i's manchmol g'spiert,
Dass dei Weag, di so in'd falsche Richtung fiahrt
Schliaß meine Auga, sieh di glicklich, no ganz kloi
Winsch du findsch an Weag, der di fiahrt zu dei´m Dahoim

Du entgleitesch meiner Hand

Du bisch jeder Wirklichkeit entruckt
Und noch deam falscha Glick verruckt
Mei Ohnmacht lähmt mei Herz, raubt mein Verstand

Du entgleitesch meiner Hand
Wieso, wieso, wieso entgleitesch du bloß meiner Hand

Versprich es mir, vergiss es nia
Was du au duasch, i reich dir mein Hand
I liab di, reich dir mei Hand