Shauit - E mushtataman Lyrics

Niminuaten e pamuteian, eshe niminuaten e pamishkaian
Mishta kataku ituteian, kataku e natshi-tshishkutamatsheian
E uapatinikau anitshenat kutakat innuat
Tan eshi-inniuiaku, tan eshi-mamitunenitamaku
Tshekuan eshku e mashikamaku
Nui uapatiniauat eshku ute assit e taiaku
Tatuau e mueshtataman
Nimamituneniten tanite natshe tshe taian
Nitshisseniten kau tshe tshiueian
Shaputue ekue ait itamatshuian
Nitauassimat nimueshtatauat
Tshika takuan kau tshe uapamakau nuitsheuakanat
Ashit nikaui nin nui tan
Nui itapishtuauat eshku ute assit e taian

Shash minuat tshe tshituteian
Eka tshetshi shetshen, eka shetshen nekatenita
Apu itenitaman tshetshi matshipanian
Nimateniten e minu-nakatuenimikauian
Tshitshisseniten kau tshe shatshuapamitan
Tshe tipatshimushtatan tshekuan ka uapataman
Tshekuan ka tutaman, tshekuan ka issishueian mak tshekuan ka itikauian
Ishpish tshinikuanuteian, ishpish pami-tetapian
Ishpish kataku ituteian, ishpish mishta-pamuteian
Mitshet tshekuan nimashkateniten e uapataman
Mitshet auenitshenat ninatshishkuauat
Nitshishkutamakuat kie nin nitshishkutamuauat
Nitshisseniten e pakushenitaman tshetshi eka minekash tshituteian
Muku niminuaten e pamuteian

Neka nasht eka tshekuan itenita
Kau nika tshiuen, kau nika tshiuen
Neka nasht eka tshekuan itenita
Kau tshika takuan tshetshi tshiueian
Natutui neka, nasht eka tshekuan itenita
Kau nika tshiuen, kau nika tshiuen
Neka nasht eka tshekuan itenita
Kau nika tshiuen kie tshitshisseniten
Niminueniten e uapamitan
Muku anutshish nika ui tshishtan tshekuan ua tutaman
Tshitshisseniten taian ute, anu nika animatsheniten tshetshi shuku nikanuteian
Akua tshe tutatshishuin, tshitshisseniten minuat tshe mueshtataman
Eshe tshika ishinakuan tshetshi tshiamapian
Muku anutshish niminuaten e pamuteian